ಹಳ್ಳೀಯ ಮನೆ ಚಂದ
ಕಳ್ಳೀಯ ಹೂ ಚಂದ
ಮಳ್ಳೀಯ ಮೋರೆ ನಗು ಚಂದ |
ಹಳ್ಳೀಲಿ, ಬಸ್ಸೀನ ಕೂಗೂ ಬಲು ಚಂದ || 1 ||
ಗಂಗೇಯ ಕರು ಚಂದ
ತುಂಗೆಯಾ ಸ್ವರ ಚಂದ
ನಿಂಗೀಯ ಹಾಡ ಪದ ಚಂದ |
ಹಳ್ಳೀಲಿ, ಜಾಜೀಯ ಕಂಪು ಬಲು ಚಂದ || 2 ||
ರಾಗೀಯ ತೆನೆ ಚಂದ
ಸೋಗೆಯ ಗರಿ ಚಂದ
ಗೇರೀನ ಹಣ್ಣ ರಸ ಚಂದ |
ಹಳ್ಳೀಲಿ, ಕೂಗೀಲೆ ಕೂಗು ಬಲು ಚಂದ|| 3 ||
ಮಾತೀಗೆ ಮಿತಿಯಿಲ್ಲ
ಉಪಚಾರ ಮಿತಿಯಲ್ಲ
ಮನೆಯಾಲಿ ಜಾಗಕ್ಕೆ ಕೂಡ ಮಿತಿಯಿಲ್ಲ |
ಹಳ್ಳೀಲಿ, ಎಲ್ಲದಕ್ಕೆಂದೂ ಮಿತಿಯಿಲ್ಲ || 4 ||
ಈ ಏರು ಪದ ಬೆಳೆಯುತ್ತನೆ ಹೊಗುತ್ತದೆ!
Inspired by cityಗೀತ/ಪೇಟೆಯ ಪಾಡ್ದನ series from "http://deraje.blogspot.com/"
Subscribe to:
Post Comments (Atom)
No comments:
Post a Comment