ಜಾರಿಬಿದ್ದ ಕಣ್ಣನೀರ ಕೈಯದೊಂದು ಒರೆಸಿದೆ
ತುಟಿಯ ಮುತ್ತು ತುತ್ತ ಕೊಟ್ಟ ಕೈಯ ಇಂದು ಮರೆಸಿದೆ
ಅಮ್ಮ ನಿನ್ನ ತ್ಯಾಗವೆಲ್ಲ ಏನ ತಾನೆ ಬಯಸಿದೆ?
ಇವಳ ಪ್ರೀತಿ ನನ್ನ ಪ್ರೀತಿಗಾಗಿ ಮಾತ್ರ ಲಭಿಸಿದೆ!
ನೋವನುಂಗಿ ನನ್ನ ಹಡೆದು ಕನಸೊಂದು ಕಟ್ಟಿದೆ
ನನ್ನ ಮನಸು ಅವಳ ಕನಸ ನನಸು ಮಾಡ ಹೊರಟಿದೆ
ನನ್ನ ಮನಸು ಮಗಳ ಮುಂದೆ ಬೆಳೆಸಬೇಕೆಂದಿದೆ
ಮಗಳ ಮನಸ ವಿಧಿಯು ಎಂದೊ ಬೇರೆ ಕಡೆಗೆ ಒಲಿಸಿದೆ
ಅಮ್ಮ ನಿನ್ನ ಬದುಕು ಇಲ್ಲಿ ಎಂದೊ ಸಾರ್ಥವಾಗಿದೆ
ನನ್ನ ಬದುಕು ಪರರಿಗಾಗಿ ನಿನ್ನ ಬದುಕಿನಂತಿದೆ
ಈ ಜೀವಚಕ್ರ ಬದುಕಿನಲ್ಲಿ ತುಂಬಾ ತಿಳಿ ಹೇಳಿದೆ
ಋಣಾನುಬಂಧ ಮುಕ್ತದೆಡೆಗೆ ಬದುಕನಡೆಸಬೇಕಿದೆ
Subscribe to:
Post Comments (Atom)
No comments:
Post a Comment