ಅರಳಿ ಮುದುಡೋ ಹೂಗಳೇ
ಕಾಯಬೇಡಿ ನೀವು ಎಂದು
ಮಹಡಿ ಮನೆಯ ಹುಡುಗಿಗೆ!
ಗುಡಿಸಿ ಒರೆಸಿ ಬದುಕ ಸವೆಸೋ
ನಿಂಗಿ ನೀರ ಎರೆದಳು
ನಿಮ್ಮ ಅವಳು ತಾನೆ ಪೊರೆದಳು?
ಅವಳ ಉದ್ದ ತುರುಬಿನಲ್ಲಿ
ಕಾಣಿ ನಿಮ್ಮ ಸ್ವರ್ಗವ!
ಅರಳಿ ಮುದುಡೋ ಹೂಗಳೇ
ಕಾಯಬೇಡಿ ನೀವು ಎಂದು
ಮುದ್ದು ಮುಖದ ಹುಡುಗಿಗೆ!
ಅವಳ ಮುದ್ದು ನಿಮ್ಮ ಇಹವ
ಮರೆಸದಿರದು ಎಂದಿಗೂ
ಆಗ ಮುಖವ ಮರೆಸಿ ನೀವು
ಅಲ್ಲಿ ಅಡಗಬೇಕು ಹಿಂದೆಯೆ
ಅರಳಿ ಮುದುಡೋ ಹೂಗಳೇ
ಕಾಯಬೇಡಿ ನೀವು ಎಂದು
ಮಧುವ ಬಯಸೋ ದುಂಬಿಗೆ!
ಹೀರಿ ನಿಮ್ಮ ಜೀವ ಸತ್ವ
ಅದು ಹಾರಿ ಬಿಡದೆ ಪರರಿಗೆ?
ಸುತ್ತಿ ಸುಳಿದು ಅಲ್ಲೇ ಇರೆ
ಮತ್ತೆ ಹಾರಿ ಬರದು ನಿಮ್ಮಲ್ಲಿಗೆ
Subscribe to:
Post Comments (Atom)
No comments:
Post a Comment