Wednesday, December 29, 2010

myKavana:"ಹತ್ತು ಉರುಳುವ ವೇಳೆ ಹೀಗೊಂದು ಆಶಯ"

ಹೊತ್ತು ಸಾವಿರ ನೆನಪು
ಹತ್ತು ಮುಳುಗುತಲಿಹುದು

ಕಂಡ ಕನವರಿಕೆಯಲಿ
ಕೆಲವಷ್ಟೆ ನನಸು
ಬರುವ ವರುಷದಿ ಎಲ್ಲ
ನನಸಿಗೆ ಕನಸು!

ಹಾಗಲದ ಪಲ್ಯದಲಿ
ಸಿಹಿಯಿರಲಿ ಕಹಿಯಿರಲಿ
ಬದುಕ ಬಂಡಿಯಲೆಂದು
ಪಯಣವಿರಲಿ

ನಾಲಗೆಗೆ ರುಚಿಯಿರಲು
ಕಹಿಯನ್ನು ಸವಿಯುವೆವು
ಮಧುಮೇಹಿಗಳಿಗೆ
ಸಿಹಿಯೆಂದರೇನೋ!

ನಾ ತುಳಿವ ದಾರಿಯಲಿ
ಕಲ್ಲಿರಲಿ ಮುಳ್ಳಿರಲಿ
ನನ್ನ ನಡೆ ಅನುಸರಿಪ
ಜನ ಮಾತ್ರ ಇರಲಿ!

ತಲೆ ಬಿಳಿಯಾಗಲಿ
ಹಳಿ ಕವಲೊಡೆಯಲಿ
ಬಾಳ ಪಯಣದಿ
ಮನವು ಮುದಿಯಾಗದಿರಲಿ

"ಹೊಸ ವರುಷ ಎಲ್ಲರಿಗು ತರಲಿ ಹರುಷ"

Monday, December 27, 2010

myPOD:"ಅಳಿಯದ ಚಿತ್ರಗಳು - 2"

ಮಧೂರು ಗಣಪತಿ ದೇವಸ್ಥಾನ





Tuesday, December 21, 2010

myKavana:"ಬೆಳಕು"

ಇಳಿದು ಬಾ ಬೆಳಕೆ ಇಳಿದು ಬಾ
ಇಳಿದು ಬಾ ಬೆಳಕೆ ಇಳಿದು ಬಾ

ಮೋಡದೆಡೆಯಿಂದ, ಚಂದ್ರನೆದುರಿಂದ
ಹೊನ್ನತೇರಿನಲಿ ಇಳಿದುಬಾ
ಮನದ ಇರುಳನ್ನು, ಭುವಿಯ ಚಳಿಯನ್ನು
ನೀನು ಬಂದಿಳಿದು ನೀಗು ಬಾ

ಜೀವ ಸಂಕುಲಕೆ, ಕೋಟಿ ಹಸುರಿಗೆ
ಜೀವಕಳೆಯನ್ನು ನೀಡು ಬಾ
ಇಳಿದು ಬಾ ಬೆಳಕೆ ಇಳಿದು ಬಾ
ಇಳಿದು ಬಾ ಬೆಳಕೆ ಇಳಿದು ಬಾ


myPOD: "ಬೆಳಕು: ನಮ್ಮನೆ ತೋಟದಲಿ ರವಿವಾರ ಬೆಳಗ್ಗೆ ಕಂಡಂತೆ"





Monday, December 13, 2010

myPOD:"ಅಳಿಯದ ಚಿತ್ರಗಳು"

ಡಿಜಿಟಲ್ ಕ್ಯಾಮರಾ ಯುಗದಲ್ಲಿ 'ಅಳಿಯದ ಚಿತ್ರಗಳು' ಎಂಬ ಪದಗಳ ಬಳಕೆ ಬಹಳ ಅರ್ಥಪೂರ್ಣ ಅಂದುಕೊಂಡಿದ್ದೇನೆ. ಅದೆಷ್ಟೋ ಚಿತ್ರಗಳ ಹಿಡಿಯುವ ಸಂದರ್ಭದಲ್ಲಿ ಕ್ಯಾಮೆರ/ಕಂಪ್ಯೂಟರ್ ಮೆಮರಿ ಮತ್ತು ನನ್ನ ಮನದಿಂದ ಮರೆಯಾಗದ ಚಿತ್ರಗಳೇ ಈ 'ಅಳಿಯದ ಚಿತ್ರಗಳು'!

ಮಾಯಾಜಾಲ!


ಗೆಂಟಿಗೆ ಹೂ...


ಸೀಮೆ ಎಣ್ಣೆ ಬುಡ್ಡಿ




ಸೇವಂತಿಯೆ...


ಏನು ಬಣ್ಣ ಬಣ್ಣಾ, ಈ ನವಿಲು ಕಣ್ಣಾ!
ರೇಶಿಮೆಯಸ್ಟು ನಯಾ, ಹಲ್ಲಿಗಳಿಗೆ ಭಯ!
(ವಿ. ಸೂ: ನವಿಲುಗರಿಯನ್ನ ಗೋಡೆಗೆ ಸಿಕ್ಕಿಸಿಟ್ಟಲ್ಲಿ ಹಲ್ಲಿಗಳ ಓಡಾಟ ಕಡಿಮೆಯಾಗುತ್ತೆ)

Thursday, December 9, 2010

myKavana:"ಚಳಿಗಾಲ"

ಊಟದ ತಂಬಳಿ... ಕರಿ ಕಂಬಳಿಗೆ...
ದಪ್ಪನೆ ಹಾಸಿಗೆ... ಬೆಚ್ಚನೆ ಉಸಿರಿಗೆ...
ನೆಚ್ಚಿನ ಮಡದಿಗೆ... ತೊಡೆಯಲಿ ಮಲಗಿದ ಹಸು ಕಂದಮ್ಮನಿಗೆ...
ಹಚ್ಚನೆ ಹಸುರಿಗೆ... ಕೆಂಪನೆ ಹರಿವೆಗೆ...
ನೀಲಿಯ ಬಾನಿಗೆ... ಮಬ್ಬಿನ ತೇರಿಗೆ...
ಹನಿ ಹನಿ ನೀರಿಗೆ... ತಂಪಿನ ಗಾಳಿಗೆ...
ಮಾಮರ ಚಿಗುರಿಗೆ... ಕೋಗಿಲೆ ಕೂಗಿಗೆ...
ದಪ್ಪನೆ ಅಂಗಿಗೆ... ಬಿಳಿ ಮುಂಡಾಸಿಗೆ...
ಚುಮು ಚುಮು ಚಳಿಗೆ... ಕ್ಯಾಮರ ಕಣ್ಣಿಗೆ
...
ಈ ಚಳಿ ಅರ್ಪಣೆ!







Thursday, December 2, 2010

myPOD:"ದಿನ ಮುಳುಗೋ ಆ ಸೂರ್ಯನ"

ಪಡು-ಕಡಲೊಳು ನೇಸರ!
ಬಾನ ಬಣ್ಣ ಕೇಸರ...
ಅವನಿಗೂನು ಬೇಸರ!
ದಿನವೊಂದು ಉರುಳಿ
ಈಗ ಪ್ರಾಯವಾಯ್ತು ನಮ್-ತರ!