myKavana:"ಪ್ರೀತಿ ನೀ ಇರದಿರೆ"

ಪ್ರೀತಿ ನೀ ಇರದಿರೆ ನಾನು ಹೇಗಿರಲಿ?
ಪ್ರೀತಿ ನೀ ಮರೆತರೆ ಹೇಗೆ ಬದುಕಿರಲಿ?
ನನಗಾಗಿ.. ನೀ ಯುವಕರಿಗೆ ಗುರುವಾಗಿ...

ಮನಸಿನ ತುಂಬ ಮುದವಿಹುದು, ಕನಸಿನಲಿ ಸುಖವಿಹುದು, ಓ ಪ್ರೀತಿ ನಿನ್ನಿಂದ!
ಮಾತುಗಳೆ ಬರದಾಯ್ತು, ಆಸೆಗಳೆ ತುಂಬಿಹುದು ಓ ಪ್ರೀತಿ ನಿನ್ನಿಂದ!
ನಮ್ಮ ಪ್ರೀತಿ ಕೊನೆತನಕ....
ಪ್ರೀತಿಸಿದೆ, ನೋಯಿಸದೆ
ಕೈಹಿಡಿದು ಮುನ್ನಡೆಸು..
ಪ್ರೀತಿ ನೀ ಇರದಿರೆ ನಾನು ಹೇಗಿರಲಿ?
ಪ್ರೀತಿ ನೀ ಮರೆತರೆ ಹೇಗೆ ಬದುಕಿರಲಿ?

ದಿನವೆಲ್ಲ ಇರುಳಾಯ್ತು, ಇರುಳೆಲ್ಲ ಹಗಲಾಯ್ತು, ಓ ಪ್ರೀತಿ ನಿನ್ನಿಂದ!
ತಾರೆಗಳು ಮರೆಯಾಯ್ತು, ಮೊಡಗಳು ಮಳೆಯಾಯ್ತು, ಓ ಪ್ರೀತಿ ನಿನ್ನಿಂದ!
ಮಾಘ ಮಾಸ ಚಳಿಯಲ್ಲಿ....
ನೆನಪುಗಳು ಮುತ್ತಿಡಲು
ಕನಸುಗಳು ಕೆದಕಿರಲು...
ಪ್ರೀತಿ ನೀ ಇರದಿರೆ ನಾನು ಹೇಗಿರಲಿ?
ಪ್ರೀತಿ ನೀ ಮರೆತರೆ ಹೇಗೆ ಬದುಕಿರಲಿ?

ನನಗಾಗಿ.. ನೀ ಯುವಕರಿಗೆ ಗುರುವಾಗಿ...