ನಿನ್ನ ಮುಡಿ ಮಲ್ಲಿಗೆಯ
ಮೊಗ್ಗೊಂದು ಅರಳಿಹುದು
ಕಂಪಸೂಸಿದೆ ಇಂದು
ಅಲ್ವೇ ಆ ಕಂಪು ನನಗೇನೆ?
ನಿನ್ನ ಕಾಲ್-ಗೆಜ್ಜೆಯ
ಮಣಿಯೊಂದು ಕರೆದಿಹುದು
ನನ್ನ ಗಮನವ ಅತ್ತ
ಅಲ್ವೇ ಆ ಕರೆಯು ನನಗೇನೆ?
ನಿನ್ನ ಮೊಗ ಬಾಂದಳದ
ಕಡುಗಪ್ಪು ಕಾಡಿಗೆಯು
ಮುಗಿಲ ತೆರನದಿ ನವಿಲ ಬರಸೆಳೆದಿದೆ
ಅಲ್ವೇ ಆ ಸೆಳವು ನನಗೇನೆ?
ನಿನ್ನ ಕೈ ಎರಡೆರಡು
ಒಂದಮೇಲೊಂದಿಟ್ಟು
ನನ್ನ ಸಂಬಳ ಪಡೆಯೆ ಹಾತೊರೆದಿದೆ
ಅಲ್ವೇ ಆ ಮೊರೆಯು ನನಗೇನೆ?!!
Subscribe to:
Post Comments (Atom)
1 comment:
Man, u spoiled it in the last stanza.
- Sin
Post a Comment