myHarate:"ಸ್ನೆಹಾನ ಪ್ರೀತೀನ?"

ಸಂಜೆ ಆಗುತ್ತಲೆ ರೂಮೇಟ್ ಸಿನೆಮಾಕ್ಕೆ ಕರೆಯುತ್ತಾನೆ, ಆಕೆ ಫೋನ್ ರಿಂಗಿಸುತ್ತಾಳೆ. ಸಿನೆಮಾನಾ? ಗಂಟೆಗಟ್ಟಳೆ ಪಿಸುಮಾತಾ? ಸ್ನೆಹಾನ ಅಲ್ಲ ಪ್ರೀತೀನಾ?

ವಾರಾಂತ್ಯಕ್ಕೆ ಪಿಕ್.ನಿಕ್ ತಯಾರಿ ನಡೆದಿರುತ್ತದೆ, ಒಂದಿಷ್ಟು ಮೈಲ್ ವ್ಯವಹಾರ ಆ ದಿಶೆಯಲ್ಲಿ ನಡೆದಿರುತ್ತದೆ. ಕೊನೆಗೊಮ್ಮೆ ಆಕೆಯೂ ಅದೇ ಡೇಟ್ ಕೊಡುತ್ತಾಳೆ.. ವಾರಾಂತ್ಯ ಏನ್ ಮಾಡೋದು? ಸ್ನೇಹಾನ ಅಲ್ಲ ಪ್ರೀತೀನ?

ದೂರದಲ್ಲಿರೋ ಗೆಳೆಯ ಅಪರೂಪಕ್ಕೊಮ್ಮೆ ಭಾನುವಾರ ಬರುತ್ತಿದ್ದಾನೆ, ಅದೇ ದಿನ ಆಕೆಯೊಂದಿಗೆ ಡೇಟ್ ಬೇರೆ.. ಹಮ್, ಅವನು ಮುಕ್ಯಾನ ಅಲ್ಲ ಅವಳಾ? ಸ್ನೇಹಾನಾ ಅಲ್ಲ ಪ್ರೀತಿನಾ?

ಫೋನಲ್ಲಿ ಕರೆನ್ಸಿ ನೀರಂತೆ ಮುಗಿಯುತ್ತಿರುತ್ತೆ.. ದೂರದೂರಿಂದ ಬಂದ ಗೆಳೆಯನೋರ್ವನ ಕಾಲ್ ಕಟ್ಟಾಗಿದೆ.. ಅವಳು ನಾಲ್ಕೈದು ಸಲ ಮಿಸ್ಡ್ call ಕೊಟ್ಟಿದ್ದಾಳೆ... ಈವಾಗ ಏನು ಸ್ನೇಹಾನಾ ಅಲ್ಲ ಪ್ರೀತೀನ?

ಇಂತಹ ನೂರಾರು ಸಂದಿಗ್ದ ಪರಿಸ್ತಿತಿ ಇಕ್ಕಟ್ಟಿಗೆ ಸಿಲುಕಿಸುವುದಂತೂ ನೂರಕ್ಕೆ ನೂರು ಸತ್ಯ. ಕೆಲವಕ್ಕೆ ಉತ್ತರವೇ ಇಲ್ಲ. ಪ್ರೀತಿ ನಿಜವಾದರೆ ಅವಳ ಕಡೆಗಣಿಸುವಂತಿಲ್ಲ. ಕಳೆದು ಹೋದ ಸುಂದರ ಕ್ಷಣಗಳ ಹರಿಕಾರ ಗೆಳೆಯನನ್ನೂ ಮರೆಯುವಂತಿಲ್ಲ. ಪ್ರೀತಿ ಬರುವ ಸುಂದರ ಕ್ಷಣಗಳ ಕಾರಣವಾದರೆ ಅದನ್ನು ಸುಮ್ಮನೆ ಹೋಗಲು ಬಿಡಲಾಗದು. ಆಕೆ ನಮಗೋಸ್ಕರ ಎಲ್ಲವನ್ನು ಬಿಟ್ಟುಬರಲು ರೆಡಿ ಇರುವಾಗ ಆಕೆಗೋಸ್ಕರ ಸ್ವಲ್ಪ ತ್ಯಾಗ ಸಹ್ಯ ತಾನೆ?
ಪ್ರೀತೀನು(love) ಬೇಕು. ಸ್ನೇಹಾನು (friends) ಬೇಕು. ಪ್ರೀತೀನ ಸ್ನೇಹಕ್ಕು, ಸ್ನೇಹಾನ ಪ್ರೀತಿಗೂ ತಿಳಿಹೇಳಿದರೆ ಎಲ್ಲಕ್ಕು ಶಾಶ್ವತ ಪರಿಹಾರ. ಎನಂತೀರಿ?

ಪ್ರೀತಿಗೆ ಅಂದಿದ್ದು...

ಈ ವಿರಹ ಕಹಿಯಾಗಿದೆ ನೀನಿರದೆ
ನಿನ್ನ ನೆನಪೆ ನನ್ನ ಕಾಡಿದೆ
ಎದೆಯೊಳಗೆ ಮಾತಿರದ ಪದವೊಂದು ಮೂಡಿದೆ!!!

ಸ್ನೇಹಕ್ಕೆ ಅಂದಿದ್ದು...

ಆ ದಿನವು ನೆನಪಾಗಿದೆ ನಿನ್ನಿಂದ
ಕ್ಷಣ ಕ್ಷಣವು ನೆನಪಾಗಿ
ನೆರಳಂತೆ ಜೊತೆಯಲ್ಲಿ ಬಂದಿದೆ