ಸ್ವ ರ ಚಿ ತ ಅಂಕಣ: September 2011

Monday, September 26, 2011

Wednesday, September 21, 2011

myPOD:"ಕೆಂಪು ಗುಲಾಬಿ"

ಈ ಗುಲಾಬಿಯು ನಿನಗಾಗಿ
ಇದು ಚೆಲ್ಲುವ ಪರಿಮಳ ನಿನಗಾಗಿ
ಈ ಹೂವಿನಂದ ಪ್ರೇಯಸಿ
ನಿನಗಾಗೆ ಕೇಳೆ ಪ್ರೇಯಸಿ
ನಿನಗಾಗೆ ಕೇಳೆ ಓ ರತಿ |೨| ||ಪಲ್ಲವಿ||

ನನ್ನೀ ಕಣ್ಣಲಿ ಕಾತರವೇನು
ನಿನ್ನನು ಕಾಣುವ ಆತುರವೇನು ಆಹಾಂ...
ನನ್ನೀ ಕಣ್ಣಲಿ ಕಾತರವೇನು
ನಿನ್ನನು ಕಾಣುವ ಆತುರವೇನು
ಆತುರ ತರುವಾ ವೇದನೆಯೇನು |೨|
ಜೀವದ ಜೀವವು ಪ್ರಿಯತಮೆ ನೀನು

||ಈ ಗುಲಾಬಿಯು||

ನೀರನು ತೊರೆದರೆ ಕಮಲಕೆ ಸಾವು
ಹೂವನು ಮರೆತರೆ ದುಂಬಿಗೆ ಸಾವು..ಆಹಾಂ....
ನೀರನು ತೊರೆದರೆ ಕಮಲಕೆ ಸಾವು
ಹೂವನು ಮರೆತರೆ ದುಂಬಿಗೆ ಸಾವು..
ಕಾಣದೆ ಹೋದರೆ ಅರೆಕ್ಷಣ ನಿನ್ನ |೨|
ಮರುಕ್ಷಣ ಪ್ರಿಯತಮೆ ನನ್ನ ಸಾವು

||ಈ ಗುಲಾಬಿಯು||

Friday, September 9, 2011

myKavana:"ಪರಿಸರ ಕಾಳಜಿ"

ಹಣದ ವ್ಯಾಮೋಹದಲಿ
ಭೂಮಿ ಮೈ ಹರಿದೆವು
ಆಕಾಶದೆತ್ತರದಿ ಮನೆಯ
ಮಾಡಿದೆವು, ಮಾರಿದೆವು

ಎತ್ತರಕೆ ಹೋದಂತೆ
ಮಣ್ಣ ನಾವ್ ಮರೆತೆವು
ಹಸಿರಲಿ ಕೆಸರಾಡಿದೆವು
ಉಸಿರಿಗೆ ವಿಷ ಸೇರಿಸಿದೆವು.

ಹಕ್ಕಿ ಹಾರುವುದಿಲ್ಲ
ಕಪ್ಪೆ ಕೂಗುವುದಿಲ್ಲ
ನಾವಲ್ಲದಿನ್ನಾರು ಅಲ್ಲಿ
ಬದುಕುವುದೆ ಇಲ್ಲ.

ಗಣಿಯ ನಾಡಲಿ ಇಂದು
ಗುಡುಗುಗಳೆ ಇರವು.
ಮಳೆಯು ಬರುವುದು ಎಂತು?
ಬರೀ ಧೂಳಿರುವುದು!