myHarate: "I am back... ನಾ ಮರೆಯೆ ನಿಮ್ಮ, ನೀವು?"

ಏನಿಲ್ಲವೆಂದರೂ 2 ತಿಂಗಳ ಮತ್ತೆ ಸತ್ತು ಬದುಕಿ ಬ್ಲಾಗಿಗೆ ಮರಳಿ ನಿಮ್ಮ ಮುಂದಿದ್ದೇನೆ. ಎದುರಿಂದ ಮಿತಿಮೀರಿದ ವೇಗದಲ್ಲಿ ಬರುತ್ತಿದ್ದ Swift ಕಾರೇ ಇದಕ್ಕೆ ಕಾರಣ ಅಂತ ನನಗೆ ಮತ್ತು ಸತ್ತುಹೋದ ನನ್ನ ಮಾರುತಿ 800 ಕಾರಿಗೆ ಹೊರತುಪಡಿಸಿ ಬೆರ್ಯಾರಿಗೂ ತಿಳಿದಿದೆಯೋ ಇಲ್ಲವೋ! ಅದೇ ಕ್ಷಣದಿಂದ ಎಂದೂ ಉಪಯೋಗವಾಗದ ಸ್ತಿತಿಯಲ್ಲಿ ಕಾರು ಅವಶೇಷವಾಗಿಬಿಟ್ಟಿದೆ!

ನನ್ನ ಬಲ ಮೊಣಕಾಲ ಮುರಿತ ಜೀವನಕ್ಕೆ 6 ವಾರಗಳ ತನಕ ಸಂಪೂರ್ಣ ಬ್ರೇಕ್ ಹಾಕಿದೆ! ಆದರೂ ಯಾರದೋ ತಪ್ಪಿಗೆ ನನಗ್ಯಾಕೆ ಶಿಕ್ಷೆ ಅನ್ನೋ ಗೋಳು ಪ್ರತೀಕ್ಷಣ ನೆನಪಿಗೆ ಬರುತ್ತಿದೆ.

ಕಳೆದ 6 ವಾರಗಳಲ್ಲಿ ಇಡುವ ಪ್ರತೀ ಹೆಜ್ಜೆಯಲ್ಲು ನೋವ ನುಂಗಿದ್ದೇನೆ. ನೋವ ಮುಂದೆ ನಲಿವಿದೆ ಎಂಬ ಸ್ಥೆರ್ಯ ಇಲ್ಲಿವರೆಗೆ ಮುನ್ನಡೆಸಿದೆ. ಮುಂದೆ ಏನು ಅಂತ ಕಾಲು ಹೇಳಬೇಕಿದೆ!

ಒಂದೆರಡು ವಾರದ ಬಳಿಕ ಕಾಲು ಸುಸ್ತಿತಿಗೆ ಮರಳಲಿದೆ ಅಂತ ವೈದ್ಯರು ಭವಿಷ್ಯ ನುಡಿದಿದ್ದಾರೆ.ಕಾಲು ಕೆಟ್ಟರೂ ಬ್ಲಾಗು ಕುಳಿತುಕೊಳ್ಳಬಾರದೆಂದು ಕೈ ಮುಂದೆ ಗೀಚಲಿದೆ.