ಮಾತಲ್ಲಿ ಮುಗ್ಗರಿಸಿ ಎಲ್ಲವನು ಮರೆತಾಗ
ಪದವನ್ನು ತಂದವಳು ನೀನಲ್ಲವಾ?
ನಮ್ಮೂರ ಸಂತೆಯಲಿ ಮಂಡಕ್ಕಿ ಉಪ್ಕರಿಗೆ
ಚೌಕಾಶಿ ಮಾಡೋಳು ನೀನಲ್ಲವಾ?
ಬ್ರೇಕಲ್ಲಿ ಕಾಲಿಟ್ಟು ಸ್ಲೋ ಆಗಿ ಹೋದಾಗ
"ನಿಧಾನ!.." ಅನ್ನೋಳು ನೀನೆ ಅಲ್ಲವಾ?
ನದಿಯನ್ನು ಕಂಡಾಗ ದಡದಲ್ಲಿ ನಿಂತಾಗ
ಎದೆಯಲ್ಲಿ ಕಂಪನವು ನಿನಗಲ್ಲವಾ?
ಇರುಳಿರಲಿ ಹಗಲಿರಲಿ ಪ್ರತಿಕ್ಷಣವು ಮನಸಿನಲಿ
ನೆನಪಿಸುತಾ ನೆನೆದವಳು ನೀನಲ್ಲವಾ?
ಮನೆತುಂಬಾ ಕಲರವವ ಮನತುಂಬಾ ಸಂತಸವಾ
ಕಂಡೋಳು, ತಂದೋಳು ನೀನಲ್ಲವಾ?
Subscribe to:
Post Comments (Atom)
No comments:
Post a Comment