Thursday, October 30, 2008

myPOD:"ಪಾತರಗಿತ್ತಿ ಪಕ್ಕ!"

ನೂರು ಬಣ್ಣಾ ಬಣ್ಣ, ನಡುವೆ ನವಿಲಗಣ್ಣ
ರೇಶಿಮೆ ಹಾಗೆ ನಯ, ಮುಟ್ಟಲಾರೆ ಭಯ!


myPOD:"ಶೃಂಗೇರಿ"


Wednesday, October 22, 2008

myKavana:"ಹೀಗೇ ಹರಟಿದ್ದು"

ನೀ ಮಲ್ಲಿಗೆ, ಮೆಲ್ಲ ಬಳಿಬಂದಿಹೆ
ಅರಳುತ ನನಗೆ ನೀನು ನೆನಪ ಕಾಡಿದೆ
ಬಾಳದಾರಿಯೆ ಇನ್ನೂ ನಡೆಯೆಂದಿದೆ
ನಡುದಾರಿಲಿ ಈಗ ನಡೆದಾಗಿದೆ
ಹಿಂದಿರುಗಿದರೆ ಇನ್ನು ನೋವೊಂದೇ ಇದೆ
ಮುಂದೆ ಮತ್ತೆ ನಗುವೆಂಬ ಕನಸು ಕಾದಿದೆ!

Thursday, October 16, 2008

myKavana:"ಕಾಳಜಿ"

ಮೂಗಿನಾ ಮ್ಯಾಲಿನಾ ಚಿನ್ನವೇ,
ಅವಳ ಮೂಗ ನೋಯಬೇಡವೆ!
ಕುತ್ತಿಗೆಯ ಕೆಳಗಿಳಿದ ಪದಕವೇ,
ಅವಳ ಕೊರಳ ನೋಯಬೇಡವೆ!

ನೀಳಜಡೆಯ ಬಿಗಿದಿಟ್ಟ ಬಳ್ಳಿಯೇ,
ಅವಳ ಉಸಿರಹಿಡಿಯಬೇಡವೇ!
ಕಿವಿಯ ತೂತ ಹಿಡಿದಿಟ್ಟ ಓಲೆಯೇ,
ಅವಳ ನೋವು ನಿನ್ನದಲ್ಲವೇ?

ಕಾಲ ಸುತ್ತ ಬದುಕುವಂತ ಗೆಜ್ಜೆಯೇ,
ನಿಮ್ಮ ಭಾರ ಅವಳಿಗಲ್ಲವೇ?
ನೀವು ಎಲ್ಲ ಸೇರಿ ಅವಳು ನೊಂದರೂ,
ಅವಳ ಅಂದ ನನಗೇ ಅಲ್ಲವೆ!

Monday, October 13, 2008

myPOD:"ಸುಂದರಸಂಜೆ"

myPOD:"ಮತ್ಸ್ಯತೀರ್ಥ"

myPOD:"ದ್ರಾಕ್ಷಿ"

myKavana:"ನೀ ಬಾರೆ ಇಲ್ಲಿ"

ಒಂದು ಸಿಹಿಯ ನೋವ ಕೊಡಲು
ನೀ ಬಾರೆ ಇಲ್ಲಿ
ನಡು ಇರುಳು ಚಳಿಯ ನಡುವೆ
ನೀ ಬಾರೆ ಇಲ್ಲಿ

ತಾರೆ ಇಲ್ಲ, ಚಂದ್ರಮನು ಇಲ್ಲ
ನೀನಿರದೆ ಏನೂ ಇಲ್ಲ
ನಿದಿರೆ ಇಲ್ಲ, ಸಿಹಿಗನಸೂ ಇಲ್ಲ
ನೀಬರದೆ ಏನೂ ಇಲ್ಲ

ಮುಂಗುರುಳ ಗಾಳಿಲಿಟ್ಟು
ನೀ ಬಾರೆ ಇಲ್ಲಿ
ನಗುವ ಮುಖದಿ ತೊಟ್ಟು
ನೀ ಬಾರೆ ಇಲ್ಲಿ

ಒಂದು ಸಿಹಿಯ ನೋವ ಕೊಡಲು
ನೀ ಬಾರೆ ಇಲ್ಲಿ
ನಡು ಇರುಳು ಚಳಿಯ ನಡುವೆ
ನೀ ಬಾರೆ ಇಲ್ಲಿ

Friday, October 3, 2008

myKavana:"ಗೆಳತಿಗಾಗಿ"

ಬೆಳಗಾಗ ನಾನೆದ್ದು ಯಾರ್ಯಾರ ನೆನೆಯಾಲಿ
ಪ್ರೀತೀ ಸ್ನೆಹಾನ ಬೆಳೆಸೋಳಾ, ನನಗೆ
ಶುಭವನ್ನೆ ಕೋರೋ ಗೆಳತೀಯ!

ಮದ್ಯಾಹ್ನ ನಾನುಂಡು ಯಾರ್ಯಾರ ನೆನೆಯಾಲಿ
ಮನದಲ್ಲಿ ಸಂತಸಾ ತಂದೋಳಾ, ನನ್ನಲ್ಲಿ
ಬದುಕುವಾ ಆಸೆ ಬೆಳೆಸೋಳಾ!

ರಾತ್ರೆ ನಾಮತ್ತೆ ಯಾರ್ಯಾರ ನೆನೆಯಾಲಿ
ನನ್ನನ್ನೆ ಉಸಿರಲ್ಲಿ ತುಂಬೋಳಾ, ನನಗಾಗಿ
ಎಲ್ಲಾನೂ ಬಿಟ್ಟಿರುವ ಹುಡುಗೀಯ!