myKavana:"ಕಣ್ಣೀರ ಕಲರು"

ಕಣ್ಣೀರಿಗೆ ಕಲರಿಲ್ಲ!
ಧನ್ಯವಾದ ದೇವರೆ!
ಒಂದುವೇಳೆ ಇದ್ದರೆ
ಮುಖವೆಲ್ಲ ಬಣ್ಣದಿ
ನೆನೆಯುತ್ತಿತ್ತು ಮಕ್ಕಳ !

ಮೋಡಗಳು ಮಳೆಗೆರೆದು
ನೋವ ತಂಪುಗೈದರೂ!
ನೆರೆಯವರಿಗೆ ತಿಳಿಯುತ್ತಿತ್ತು
ಮಳೆಯಲ್ಲಿ ಅತ್ತರೂ!

ಮುಖದ ಬಣ್ಣ ಬದಲುತ್ತಿತ್ತು
ಅತ್ತು ಅತ್ತು ಹುಡುಗಿಗೆ!
ವಿರಸದಿ ಸಮಯವೆಲ್ಲಾ
ಮುಗಿಯುತ್ತಿತ್ತು ಮೇಕಪ್ಪಿಗೆ!

'ಹುಡುಗರು ಕೂಗರು' ಮಾತು
ಸುಳ್ಳಾಗುತ್ತಿತ್ತು ನಕ್ಕರೂ!
ಸಾಕಾಗುತ್ತಿತ್ತು 'ಹೋಳಿ'ಗೂ
ನಗುತ್ತಾ ನಗುತ್ತಾ ಅತ್ತರೂ!

ಆದರ್ಶ ದಂಪತಿಗಳ
ಗುಟ್ಟು ರಟ್ಟಾಗುತಿತ್ತು
ಅಜ್ಜಿಯ ಬತ್ತಿದ ಕಣ್ಣೂ
ಕಲರಾಗುತಿತ್ತೋ ಏನೋ!

myPOD:"ಅವಳಿ"

ಕಣ್ಣು ಎರಡು, ಕೈ ಎರಡು... ಬುದ್ದಿ ಬೇಕೆ ಎರಡು?
ಕಾಲು ಎರಡು, ಕಿವಿಯು ಎರಡು, ಮಾತು ಬೇಕೆ ಎರಡು?
ತಲೆಯು ಒಂದು, ಬಾಯಿ ಒಂದು, ಮನಸು ಏಕೆ ಎರಡು?
ಹ್ರುದಯ ಒಂದು, ಉಸಿರು ಒಂದು, ಪ್ರೀತಿ ಏಕೆ ಎರಡು?
ಒಂದಿರುವವು, ಎರಡಾದರೆ ಬದುಕೆಲ್ಲ ಬರಡು!

myPOD:"ಅಳಿಯದ ಚಿತ್ರಗಳು - 20"

myPOD:"ಅಳಿಯದ ಚಿತ್ರಗಳು - 19"

myPOD:"ಬೆಳಕಿನ ತೇರು"

mypOD:"ಮಕ್ಕಳದಿನಾಚರಣೆಯ ಶುಭಾಶಯಗಳು"

myKavana:"ಪ್ರತಿಧ್ವನಿ"

ನೀರಿಗೆ ಕಲ್ಲೆಸೆದಿದ್ದು...
ಅದು ಮೇಲೆ ಜಿಗಿದು
ಮರುಕಳಿಸಿದ್ದು!
ಅಲ್ಲಿ ಯಾರಿಲ್ಲದ್ದು
ನಿನ್-ಹೆಸರ ಕೂಗಿದ್ದು
ಯಾರೋ ಬಂದಾಗ
ಪ್ರತಿಪಲಿಸಿ ಬಂದದ್ದು!
ಸುಯ್ಯೆಂದು ಬಂದ ಗಾಳಿಗೆ
ಸೆ
ರ
ಗು
ಜಾರಿದ್ಡು!
ಚಳಿಯಾಗಿದ್ದು,
ನೀರಲ್ಲಿ ಮುಖಯಾಕೋ
ಅಂದವಾಗಿ ಕಂಡಿದ್ದು!
ಬಂದ ಹಕ್ಕಿಯೊಂದು
ಪೀತಿ ಹಾಡ ಗುನುಗಿದ್ದು...
ಮೀನೊಂದು ನೀರೊಳಗೆ
ನಮ್ಮನ್ನೆ ನೋಡಿದ್ದು...
ಸುತ್ತಲಿನ ಕಣ್ಣೆಲ್ಲ
ಪ್ರಿಯೆ ನಮ್ಮ ಮೇಲಿದೆ!
ಬಹುಷ: ಪ್ರೀತಿಯೆಲ್ಲರಿಗೂನು
ಬೇಕಾಗಿದೆ!
ಅದಕಾಗಿ ನಮಗೂನು ಇವು
ಇಷ್ಟವಾಗಿದೆ!