ಹೊತ್ತು ಸಾವಿರ ನೆನಪು
ಹತ್ತು ಮುಳುಗುತಲಿಹುದು
ಕಂಡ ಕನವರಿಕೆಯಲಿ
ಕೆಲವಷ್ಟೆ ನನಸು
ಬರುವ ವರುಷದಿ ಎಲ್ಲ
ನನಸಿಗೆ ಕನಸು!
ಹಾಗಲದ ಪಲ್ಯದಲಿ
ಸಿಹಿಯಿರಲಿ ಕಹಿಯಿರಲಿ
ಬದುಕ ಬಂಡಿಯಲೆಂದು
ಪಯಣವಿರಲಿ
ನಾಲಗೆಗೆ ರುಚಿಯಿರಲು
ಕಹಿಯನ್ನು ಸವಿಯುವೆವು
ಮಧುಮೇಹಿಗಳಿಗೆ
ಸಿಹಿಯೆಂದರೇನೋ!
ನಾ ತುಳಿವ ದಾರಿಯಲಿ
ಕಲ್ಲಿರಲಿ ಮುಳ್ಳಿರಲಿ
ನನ್ನ ನಡೆ ಅನುಸರಿಪ
ಜನ ಮಾತ್ರ ಇರಲಿ!
ತಲೆ ಬಿಳಿಯಾಗಲಿ
ಹಳಿ ಕವಲೊಡೆಯಲಿ
ಬಾಳ ಪಯಣದಿ
ಮನವು ಮುದಿಯಾಗದಿರಲಿ
"ಹೊಸ ವರುಷ ಎಲ್ಲರಿಗು ತರಲಿ ಹರುಷ"
Subscribe to:
Post Comments (Atom)
No comments:
Post a Comment