myKavana:"ಹತ್ತು ಉರುಳುವ ವೇಳೆ ಹೀಗೊಂದು ಆಶಯ"

ಹೊತ್ತು ಸಾವಿರ ನೆನಪು
ಹತ್ತು ಮುಳುಗುತಲಿಹುದು

ಕಂಡ ಕನವರಿಕೆಯಲಿ
ಕೆಲವಷ್ಟೆ ನನಸು
ಬರುವ ವರುಷದಿ ಎಲ್ಲ
ನನಸಿಗೆ ಕನಸು!

ಹಾಗಲದ ಪಲ್ಯದಲಿ
ಸಿಹಿಯಿರಲಿ ಕಹಿಯಿರಲಿ
ಬದುಕ ಬಂಡಿಯಲೆಂದು
ಪಯಣವಿರಲಿ

ನಾಲಗೆಗೆ ರುಚಿಯಿರಲು
ಕಹಿಯನ್ನು ಸವಿಯುವೆವು
ಮಧುಮೇಹಿಗಳಿಗೆ
ಸಿಹಿಯೆಂದರೇನೋ!

ನಾ ತುಳಿವ ದಾರಿಯಲಿ
ಕಲ್ಲಿರಲಿ ಮುಳ್ಳಿರಲಿ
ನನ್ನ ನಡೆ ಅನುಸರಿಪ
ಜನ ಮಾತ್ರ ಇರಲಿ!

ತಲೆ ಬಿಳಿಯಾಗಲಿ
ಹಳಿ ಕವಲೊಡೆಯಲಿ
ಬಾಳ ಪಯಣದಿ
ಮನವು ಮುದಿಯಾಗದಿರಲಿ

"ಹೊಸ ವರುಷ ಎಲ್ಲರಿಗು ತರಲಿ ಹರುಷ"

myPOD:"ಅಳಿಯದ ಚಿತ್ರಗಳು - 2"

ಮಧೂರು ಗಣಪತಿ ದೇವಸ್ಥಾನ

myKavana:"ಬೆಳಕು"

ಇಳಿದು ಬಾ ಬೆಳಕೆ ಇಳಿದು ಬಾ
ಇಳಿದು ಬಾ ಬೆಳಕೆ ಇಳಿದು ಬಾ

ಮೋಡದೆಡೆಯಿಂದ, ಚಂದ್ರನೆದುರಿಂದ
ಹೊನ್ನತೇರಿನಲಿ ಇಳಿದುಬಾ
ಮನದ ಇರುಳನ್ನು, ಭುವಿಯ ಚಳಿಯನ್ನು
ನೀನು ಬಂದಿಳಿದು ನೀಗು ಬಾ

ಜೀವ ಸಂಕುಲಕೆ, ಕೋಟಿ ಹಸುರಿಗೆ
ಜೀವಕಳೆಯನ್ನು ನೀಡು ಬಾ
ಇಳಿದು ಬಾ ಬೆಳಕೆ ಇಳಿದು ಬಾ
ಇಳಿದು ಬಾ ಬೆಳಕೆ ಇಳಿದು ಬಾ


myPOD: "ಬೆಳಕು: ನಮ್ಮನೆ ತೋಟದಲಿ ರವಿವಾರ ಬೆಳಗ್ಗೆ ಕಂಡಂತೆ"

myPOD:"ಅಳಿಯದ ಚಿತ್ರಗಳು"

ಡಿಜಿಟಲ್ ಕ್ಯಾಮರಾ ಯುಗದಲ್ಲಿ 'ಅಳಿಯದ ಚಿತ್ರಗಳು' ಎಂಬ ಪದಗಳ ಬಳಕೆ ಬಹಳ ಅರ್ಥಪೂರ್ಣ ಅಂದುಕೊಂಡಿದ್ದೇನೆ. ಅದೆಷ್ಟೋ ಚಿತ್ರಗಳ ಹಿಡಿಯುವ ಸಂದರ್ಭದಲ್ಲಿ ಕ್ಯಾಮೆರ/ಕಂಪ್ಯೂಟರ್ ಮೆಮರಿ ಮತ್ತು ನನ್ನ ಮನದಿಂದ ಮರೆಯಾಗದ ಚಿತ್ರಗಳೇ ಈ 'ಅಳಿಯದ ಚಿತ್ರಗಳು'!

ಮಾಯಾಜಾಲ!


ಗೆಂಟಿಗೆ ಹೂ...


ಸೀಮೆ ಎಣ್ಣೆ ಬುಡ್ಡಿ




ಸೇವಂತಿಯೆ...


ಏನು ಬಣ್ಣ ಬಣ್ಣಾ, ಈ ನವಿಲು ಕಣ್ಣಾ!
ರೇಶಿಮೆಯಸ್ಟು ನಯಾ, ಹಲ್ಲಿಗಳಿಗೆ ಭಯ!
(ವಿ. ಸೂ: ನವಿಲುಗರಿಯನ್ನ ಗೋಡೆಗೆ ಸಿಕ್ಕಿಸಿಟ್ಟಲ್ಲಿ ಹಲ್ಲಿಗಳ ಓಡಾಟ ಕಡಿಮೆಯಾಗುತ್ತೆ)

myKavana:"ಚಳಿಗಾಲ"

ಊಟದ ತಂಬಳಿ... ಕರಿ ಕಂಬಳಿಗೆ...
ದಪ್ಪನೆ ಹಾಸಿಗೆ... ಬೆಚ್ಚನೆ ಉಸಿರಿಗೆ...
ನೆಚ್ಚಿನ ಮಡದಿಗೆ... ತೊಡೆಯಲಿ ಮಲಗಿದ ಹಸು ಕಂದಮ್ಮನಿಗೆ...
ಹಚ್ಚನೆ ಹಸುರಿಗೆ... ಕೆಂಪನೆ ಹರಿವೆಗೆ...
ನೀಲಿಯ ಬಾನಿಗೆ... ಮಬ್ಬಿನ ತೇರಿಗೆ...
ಹನಿ ಹನಿ ನೀರಿಗೆ... ತಂಪಿನ ಗಾಳಿಗೆ...
ಮಾಮರ ಚಿಗುರಿಗೆ... ಕೋಗಿಲೆ ಕೂಗಿಗೆ...
ದಪ್ಪನೆ ಅಂಗಿಗೆ... ಬಿಳಿ ಮುಂಡಾಸಿಗೆ...
ಚುಮು ಚುಮು ಚಳಿಗೆ... ಕ್ಯಾಮರ ಕಣ್ಣಿಗೆ
...
ಈ ಚಳಿ ಅರ್ಪಣೆ!

myPOD:"ದಿನ ಮುಳುಗೋ ಆ ಸೂರ್ಯನ"

ಪಡು-ಕಡಲೊಳು ನೇಸರ!
ಬಾನ ಬಣ್ಣ ಕೇಸರ...
ಅವನಿಗೂನು ಬೇಸರ!
ದಿನವೊಂದು ಉರುಳಿ
ಈಗ ಪ್ರಾಯವಾಯ್ತು ನಮ್-ತರ!

myPOD:"ವಾರಂತ್ಯದ ಚಿತ್ರಗಳು"

myPOD:"ಶುಭ ದೀಪಾವಳಿ"

myKavana:"ದೀಪಾವಳಿ"

ಮನದಲ್ಲಿ ಹುದುಗಿದ್ದ ಕತ್ತಲೆಯ ಭಯ
ಅದನು ಮರೆಸಿದ ನಿನ್ನ ಕ್ಷಣ-ಕ್ಷಣದ ಅಭಯ
ಹುಣ್ಣಿಮೆಯು ಇರಲಿ ಯಾ ಅಮವಾಸ್ಯೆಯು
ದೀಪಾವಳಿಯು ಪ್ರತಿ ದಿನ-ರಾತ್ರಿಯು!

myKavana:"ನೆನೆ ನೆನೆ ಈ ದಿನವಾ"

ನಿತ್ಯವು ನೂತನ ಪ್ರಕೃತಿಯ ಮನೆ!
ನೀ ಇದ ನಿತ್ಯವು ಮನದಲಿ ನೆನೆ!
ಹಾಲಲಿ ಇರುವುದು ದಪ್ಪನೆ ಕೆನೆ!
ಮಣ್ಣಲಿ ಮೂಡಿದೆ ಹೊನ್ನಿನ ತೆನೆ!

myPOD:"ವಾರಾಂತ್ಯದ ಚಿತ್ರಗಳು"

myPOD:"ವಾರಾಂತ್ಯದ ಚಿತ್ರಗಳು"

myPOD:"ವಾರಾಂತ್ಯದ ಚಿತ್ರಗಳು"

Ring made from single stone @ Shringeri



Towers!

myPOD:"ವಾರಾಂತ್ಯದ ಚಿತ್ರಗಳು"

myHarate:"ಹೀಗೂ ಉಂಟೆ?"

ದಿನ ದಿನದಂತಿಲ್ಲ, ದಿನಕಳೆದಂತೆ ಎಲ್ಲವೂ ಬದಲು.

ನಾನು ಚಿಕ್ಕವಾಗಿದ್ದಾಗ ನಮ್ಮೂರಿಗಿ ಒಬ್ಬನೇ ಒಬ್ಬ ಡಾಕ್ಟ್ರ. ಅದೂ ದೊಡ್ಡ ಆಸ್ಪತ್ರೆಗೆ ನಾಲಾಯಕ್ ಆದ ಡಾಕ್ಟ್ರ. ಆದರೂ ಎಷ್ಟೋ ಜನರ ರೋಗವನ್ನ ಆತ ಬರೀ ಸ್ಟೆತೊಸ್ಕೋಪ್ ಹಿಡಕೊಂಡು ಪತ್ತೆ ಹಚ್ಚಿ, ಮದ್ದು ಕೊಟ್ಟು ಹೋಗು ಎಂದರೆ ಆ ರೋಗ ಹೋದಂತೆಯೆ. ಅವರು ಎಲ್ಲವನ್ನ ರೋಗಿಗೆ ತಿಳಿಹೇಳುವ ಪರಿಯೋ ಅದ್ಭುತ! ಮತ್ತೆ ಅಲ್ಲಿಗೆ ಬರಲು ಮುಂದಿನ ಮಳೆಗಾಲದ ಮೊದಲ ಮಳೆಗೆ ಶೀತ ಜ್ವರ ಹಿಡಿಯಬೇಕು. ಅವರು ಕೊಟ್ಟ ಕುಪ್ಪಿ ಔಷದಿ ಪಕ್ಕದ ಮನೆಯವರಿಗೂ ಕೆಲವೊಮ್ಮೆ ಕೊಟ್ಟು ಕೆಲವರ ರೋಗ ಶಮನಮಾಡಿದ್ದೂ ಇದೆ!

ಆದರೆ ಈಗ ನೋಡಿ...

ಈಗಿನ MBBS, MD, **** ಡಾಕ್ಟ್ರನ್ನಂತೂ ಬಿಡಿ, ನಾಲ್ಕಾರು ಟೆಸ್ಟ್ ಮಾಡದೆ, ಟೆಸ್ಟ್ ಮಾಡಿದವ ಬರೆದ ರೆಪೊರ್ಟ್ ನೋಡದೆ ಔಷದಿ ಕೊಡುವ(ಕೊಡು ಅಲ್ಲ, ಬರೆ!ವಂತಿಲ್ಲ). ಕೆಲವೊಮ್ಮೆ ಯಾವ ಟೆಸ್ಟು ಯಾಕೋ ಗೊತ್ತಿಲ್ಲ. ನಿಜವಾದ ಡಾಕ್ಟ್ರು ಡಾಕ್ಟ್ರಾ ಅಲ್ಲಾ ಲಾಬ್ ಅಟ್ಟೆಂಡರಾ ದೇವನೇ ಬಲ್ಲ. ಅಸ್ಟಾಗಿಯೂ ರೋಗ ಸುತಾರಾಂ 3-4 ಸಲ ಡಾಕ್ಟ್ರ ಭೇಟಿವರೆಗೆ ಬಿಟ್ಟು ಹೋಗಲ್ಲ! ಎಂತಹಾ ವಿಪರ್ಯಾಸ ನೋಡಿ.

ಇದನ್ನೆಲ್ಲ ಗಮನಿಸುವಾಗ ನಮ್ಮಲ್ಲಿ ಉಳಿಯುವ ಪ್ರಶ್ನೆ: ಹೀಗೂ ಉಂಟೆ?

myKavana:"ನನ್ನ ಒಲವಿಗೆ"

ಬಾ ಗೆಳತೀ ಬಾ
ನನ್ನ ಮನಸಾರೆ ಪ್ರೀತಿಸುತಾ
ಅದು ಎಂದೂ ಮರೆಯಾಗದಂತೆ!
ನೀ ಬಂದು ನೆಲೆನಿಂತು
ಈ ಹೃದಯ ಹೂವಾಗಿ
ಅರಳಲಿ ಎಂದೂ ಮುದುಡದಂತೆ!

myPOD:"ವಾರಾಂತ್ಯದ ಚಿತ್ರಗಳು"

myPOD:"ವಾರಾಂತ್ಯದ ಚಿತ್ರಗಳು"